兩個小朋友喺泳能已經兩年。細佬Wesley最初就係喺池邊望住家姐Scarlett 上堂，先開始想學游水，後來佢哋喺學校水運會獲獎，仲係喺唔同比賽中游出不錯嘅成績。作為家長，我覺得獎牌固然係好大鼓勵，但更重要嘅，係睇到佢哋一路成長嘅過程。
泳能嘅環境真係好正面，成個氣氛都好健康。教練團隊好投入，成日都用好正面嘅言語同態度去引導小朋友。喺度學到嘅，唔止係游水技術，更加係堅持同自信。
泳能另外一個突出之處，就係好重視團隊精神。泳會好鼓勵有潛質嘅學員去比賽，而且明確表明，比賽唔係淨係為咗攞獎。我睇到佢哋喺比賽裡面，唔單止淨係留意自己嘅進步，仲會為隊友亦互相打氣，接力賽嗰陣嘅團隊精神真係好令人印象深刻。
每次比賽前，小朋友喺看台側邊等，實會緊張啦，教練都會好主動帶佢哋熱身，幫佢哋放鬆。最令我欣賞嘅係，泳能嘅教練唔單止會讚自己學員嘅表現，佢哋仲會主動指出其他選手有咩做得值得欣賞嘅地方，等小朋友可以從中學習。咁樣，啲小朋友先真正學識尊重對手，明白人哋贏係付出咗幾多努力，自己都識得欣賞人哋。